O‘zbekistonda 2023-yil 1-mart holatiga soliq organlarida hisobga qo‘yilgan ko‘chmas mulk ijara shartnomalari soni 307 063 tani tashkil etdi. Bu haqda DSQ matbuot xizmati xabar berdi.
Ma’lum qilinishicha, jismoniy shaxslar o‘rtasida tuzilgan 228,5 mingta ijara shartnomalari asosida 21,7 milliard so‘m daromad solig‘i hisoblanib, o‘tgan yilning mos davriga nisbatan ijara shartnomalari soni 53,7 foizga va hisoblangan daromad solig‘i summasi 34,4 foizga oshgan.
Yuridik shaxslar o‘rtasida tuzilgan 78,5 mingta ijara shartnomalari asosida 39,8 milliard so‘m daromad solig‘i hisoblanib, o‘tgan yilning mos davriga nisbatan ijara shartnomalari soni 25,9 foizga va hisoblangan daromad solig‘i summasi 35,6 foizga oshgan.
- Talabalar bilan tuzilgan ijara shartnomalari soni – 50 976 ta;
- ijarada turuvchi talabalar soni – 83 018 nafar.
Soliq to‘lovchining uy-joylarni talabalarga ijaraga berishdan olgan daromadlari soliqdan ozod etilgan. Ularga daromad solig‘idan 7,8 milliard so‘m imtiyoz qo‘llangan.
Eslatib o‘tamiz, Shavkat Mirziyoyev 2021-yilning aprel oyida ijarada yashayotgan talabalarga 1-maydan boshlab ijara to‘lovining yarmi davlat tomonidan qoplab berilishini aytgandi. Keyinchalik ijara to‘lovi xarajatlarining 50 foizi BHMning bir baravaridan oshmagan taqdirda to‘lab berilishi ma’lum bo‘lgan. Sentabr oyida talabalarga ijara to‘lovining bir qismini qoplab berish tartibi belgilangandi.
Izoh (0)