O‘zbekistonda 2023-yilning fevral oyidagi korxonalar faolligi va brendlarning muhofaza indeksi e’lon qilindi. Bu haqda “Daryo”ga Iqtisodiy tadqiqotlar va islohotlar markazi ma’lum qildi.
Korxonalar faolligi
Faoliyat yuritayotgan korxonalar bo‘yicha komponent 2023-yil fevral oyida 0,8827 birlikni tashkil etib, o‘tgan oyga nisbatan 11,7 foizga kamayganligini ko‘rsatadi.
Ushbu ko‘rsatkich o‘tgan yilning mos davriga nisbatan ham sezilarli darajada 19,2 foizga kamaygan.
2023-yil fevral oyida barcha turdagi faoliyat yuritayotgan korxonalar soni 2023-yilning yanvar oyiga (613 391 birlik) nisbatan 92 795 taga kamayib, 520 596 birlikni tashkil etgan.
Yirik tadbirkorlik bilan shug‘ullanuvchi korxonalar soni 63 taga kamaygan.
Hisobot davrida, kichik korxonalar soni 503 804 tadan 429 031 tagacha kamaygan (pasayish 74 773 ta).
Fermer xo‘jaliklari soni 105 948 tadan 87 989 tagacha (kamayish 17 959 ta) kamaygan.
Yirik tadbirkorlik bilan shug‘ullanayotgan subyektlar soni 3 576 tani tashkil etib, 2023-yilning yanvar oyiga nisbatan 63 taga kamaygan.
Brendlarni ro‘yxatga olish
2023-yil fevral oyida savdo belgilari muhofazasi bo‘yicha biznes faolligi indeksi 0,6942 birlikni tashkil etib, ushbu ko‘rsatkich 2023-yilning yanvar oyiga nisbatan 30,6 foizga kamaygan.
Joriy yilning fevral oyida yuridik shaxslar tomonidan 252 ta tovar belgilari va tovar nomlari ro‘yxatga olingan.
Avvalroq fevral oyida O‘zbekiston ishbilarmonlik faolligi indeksi qanday bo‘lgani haqida xabar berilgandi.
Izoh (0)