Germaniyada aviatsiya xodimlari ish tashlashi tufayli Uzbekistan Airways Frankfurtga parvozni bekor qildi
Germaniyada aviatsiya xodimlari 27-mart kuni ish tashlashi tufayli Uzbekistan Airways shu kuni amalga oshiriladigan Frankfurtga parvozni bekor qildi.
Aviakompaniya matbuot xizmatining xabar qilishicha, Germaniya aeroportlarida aviatsiya sohasi xodimlarining 27-mart kuni bir kun davomida (soat 00:00 dan 23:59 gacha) ish tashlash rejalashtirgani sababli mamlakat hukumati tomonidan aviakompaniyalarning tijoriy reyslarini bekor qilish bo‘yicha ko‘rsatma berilgan.
Shu munosabat bilan, Toshkent—Frankfurt—Toshkent yo‘nalishi bo‘yicha HY231/232 reyslari faqat shu kuni bekor qilinadi va yo‘lovchilar 29-mart kuni navbatdagi HY231/232 reyslari bilan o‘z manzillariga yetkaziladi:
- Toshkentdan uchish mahalliy vaqt bilan (Toshkent) soat 09:45 da;
- Frankfurtga kelish mahalliy vaqt bilan (Frankfurt) soat 13: 40 da;
- Frankfurtdan uchish mahalliy vaqt bilan (Frankfurt) soat 15:10 da;
- Toshkentga kelish mahalliy vaqt bilan (Toshkent) ertasi kuni soat 00:25 da.
Aviakompaniya 29-martdan Toshkent—Frankfurt—Toshkent yo‘nalishi bo‘yicha parvozlar sonini haftasiga 3 martadan 4 martaga ko‘paytiradi. Bundan buyon Frankfurtga to‘g‘ridan to‘g‘ri aviaqatnovlar dushanba, chorshanba, payshanba va shanba kunlari amalga oshiriladi.
