Fevral oyida O‘zbekiston bo‘ylab bojxona tushumlari qanday o‘zgargani o‘rganildi. Bu haqda “Daryo”ga Iqtisodiy tadqiqotlar va islohotlar markazi xabar berdi.
Tahlil qilinayotgan davrda bojxona to‘lovlari bo‘yicha tushumlar 2022-yilning shu davriga nisbatan 22,4 foizga oshgan.
Bojxona tushumlarining eng ko‘p o‘sishi Surxondaryo (47,3 foiz), Samarqand (39 foiz), Toshkent (25,9 foiz), Farg‘ona (19,2 foiz) va Jizzax (16 foiz) viloyatlarida, Qoraqalpog‘iston Respublikasi (67,4 foiz) va Toshkent (45 foiz) shahrida kuzatildi.
Bojxona tushumlarining o‘sishi asosan tovarlar turlari bo‘yicha import hajmining o‘tgan yilning shu davriga nisbatan qariyb 26 foizga oshgani, shu jumladan, transport uskunalari va uning butlovchi qismlari, texnik asbob-uskunalari, elektrotexnika va uning butlovchi qismlari, shuningdek, oziq-ovqat mahsulotlari bilan bog‘liq.
Avvalroq O‘zbekistonda fevral oyida davlat budjeti daromadlari 16 trln so‘mdan oshgani haqida xabar berilgandi.
Izoh (0)