Bugun,

  • USD 11095.31
  • RUB 173.84
  • EUR 10772.44

Toshkent shahri madaniyat bosh boshqarmasi mansabdorlari va boshqa shaxslarga nisbatan jinoyat ishi qo‘zg‘atildi.

Foto: “Daryo” / Madina Nurman

Bosh prokuratura tomonidan o‘tkazilgan tekshiruvda sobiq Toshkent shahar madaniyat bosh boshqarmasida o‘tkazilgan o‘rganishda “Davlat xaridlari to‘g‘risida”gi qonun talablari buzib kelingani aniqlangan. 

Qayd etilishicha, Toshkent shahri madaniyat bosh boshqarmasi tomonidan yuqoridagi qonun talablari buzilib, tender tanlovlari o‘tkazilmasdan, festival tadbirlarini o‘tkazish uchun turli firmalar bilan 20 milliard so‘mlik to‘g‘ridan to‘g‘ri shartnomalar tuzilgan.

Ushbu festivallar 2022-yilning may—sentabr oylarida amalda o‘tkazib bo‘lingan bo‘lsa-da, qonun buzilishlarni yashirish maqsadida “etender.uzex.uz” maxsus axborot portaliga 24-oktabr va 3-noyabr kunlari poytaxtda 5 ta festival tadbirlarini o‘tkazish haqida nomigagina e’lon va hujjatlar joylashtirilgan hamda shartnomalar tuzilgan. 

O‘tkazilgan festivallar doirasida ham amalda bajarilmagan ishlar va ko‘rsatilmagan xizmatlar uchun 8 milliard so‘mlik budjet mablag‘lari talon-toroj qilingani aniqlandi.

Tekshirish natijasiga ko‘ra, Toshkent shahri madaniyat bosh boshqarmasi mansabdor shaxslari va boshqalarga nisbatan jinoyat ishi qo‘zg‘atilib, hozirda tergov harakatlari o‘tkazilmoqda.

Izoh
Asosiy yangiliklar
Kino
Sezmagansiz ham: Film voqealaridagi mantiqqa to‘g‘ri kelmaydigan qo‘pol xatolar (foto) 
Mahalliy
Qatar amiri davlat tashrifi bilan O‘zbekistonga keldi (foto)
Karyera
Hokimiyat ularning qo‘llarida: Butun dunyoni boshqaradigan beshta oila (foto)