O‘rtoqlik o‘yini. O‘zbekiston terma jamoasi Shomurodovning goli evaziga Boliviyani mag‘lub etdi
Futbol bo‘yicha O‘zbekiston milliy terma jamoasi 24-mart, juma kuni Boliviyaga qarshi o‘rtoqlik o‘yinida ishtirok etdi.
Saudiya Arabistonida o‘tkazilgan uchrashuv o‘zbekistonlik futbolchilarning faol harakatlari bilan boshlandi. 36-daqiqada Eldor Shomurodov jamoasining tezkor qarshi hujumidan keyin yuzaga kelgan vaziyatni golga aylantirdi.
Ikkinchi bo‘limda ham O‘zbekiston vakillarida qator golga tortadigan vaziyatlar bo‘ldi, biroq hisob o‘yin yakuniga qadar o‘zgarmay qoldi. Uchrashuv yakunlanishi arafasida Xose Segredo darvozabon bilan birga-bir vaziyatga chiqib borayotgan Aziz Turg‘unboyevni to‘xtatib qolgani uchun to‘g‘ridan to‘g‘ri qizil kartochkaga loyiq ko‘rildi.
Srechko Katanes shogirdlari keyingi o‘rtoqlik o‘yinini 28-mart kuni Venesuelaga qarshi o‘tkazadi.
O‘rtoqlik o‘yini
24-mart, juma
O‘zbekiston — Boliviya 1:0
Gol: 1:0 – 36 Shomurodov.
O‘zbekiston: O‘tkir Yusupov, Umar Eshmurodov, Hojiakbar Alijonov, Rustam Ashurmatov, Husniddin Aliqulov, Sherzod Nasrullayev (Ibrohimxalil Yo‘ldoshev, 59), Otabek Shukurov, Odil Hamrobekov, Jaloliddin Masharipov (Oston O‘runov, 79), Jasur Yaxshiboyev (Aziz Turg‘unboyev, 59), Eldor Shomurodov (Sardor Sobirxo‘jayev, 90),.
Boliviya: Karlos Lampe, Diyego Medina, Adrian Xusino, Denni Bexarano, Migel Terseros, Moreno, Xayme Arraskaita, Roberto Fernandes, Luchano Ursino, Jeyson Chura, Leonardo Zabala (Xose Segredo, 27).
Ogohlantirishlar: Ursino (33), Masharipov (45), Yo‘ldoshev (85), Shukurov (90+6).
Chetlatish: Segredo (90+5).
