Majburiy ijro byurosi Farg‘ona viloyati boshqarmasi va uning hududiy bo‘limlari tomonidan 126 nafar ishchi-xodimning ish haqlari undirib berildi. Bu haqda Bosh prokuratura matbuot xizmati xabar berdi.
Qayd etilishicha, ish haqlarini undirish bo‘yicha 2023-yilning o‘tgan davrida 100 ortiq ijro hujjatlari ijrosi tamomlanib, 126 nafar ishchi-xodimlarga 836,5 million so‘m ish haqlari undirib berilgan.
Shu bilan birga, aholining ijtimoiy himoyaga muhtoj qatlamini qo‘llab quvvatlash maqsadida “temir daftar”, “ayollar daftari” va “yoshlar daftari” jamg‘armalariga 36,3 milliard so‘m yo‘naltirilgan.
Shuningdek, aliment undiruvi bilan bog‘liq 32 mingdan ortiq ijro hujjatlari yuzasidan ijro harakatlari olib borilib, undiruvchilarga 21,2 milliard so‘m to‘lovlar undirib berilishi taʼminlangan. Shuningdek, ishsiz aliment to‘lovchi fuqarolarning 915 nafari ishga joylashtirilgan, tushuntirishlar natijasida 852 ta oilalar yarashtirilgan.
Uzoq muddat davomida aliment to‘lovlarini to‘lashdan bo‘yin tovlagan 620 nafar shaxslarga nisbatan maʼmuriy va 44 nafar shaxslarning jinoiy javobgarlik masalasi hal qilingan.
Bundan tashqari, voyaga yetmagan farzandiga aliment to‘lamagani uchun jinoiy javobgarlikka tortilgan shaxslarning aliment qarzdorliklari Majburiy ijro byurosi huzuridagi Jamg‘arma hisobidan qoplab berilmoqda. Bugungi kunda 375 million so‘mdan ortiq zararlar jamg‘arma mablag‘lari hisobidan voyaga yetmaganlar foydasiga qoplab berilgan.
Izoh (0)