Toshkentda issiq suv ta’minotida bir kunlik uzilishlar kuzatiladi

Toshkent shahrida issiq suv ta’minotida bir kunlik uzilishlar kuzatiladi. Bu haqda “Veolia Energy Tashkent” xabar berdi.

Ma’lum bo‘lishicha, 27-martdan 5-aprelga qadar issiq suv ta’minotida bir kunlik uzilishlar kuzatiladi. Sana va manzillar ushbu havola orqali keltirilgan.

“Issiqlik tarmoqlaridagi nuqsonlarni aniqlash va keyingi isitish mavsumi boshlanishidan oldin ularni bartaraf etish uchun issiqlik tarmoqlarini mo‘ljallangan harorat bo‘yicha sinovdan o‘tkazish kerak. 

Sinovlar davomida issiqlik tarmoqlari quvurlarining shikastlanishi va issiq suv yo‘llar va yo‘laklarga chiqishi mumkin. Haydovchilar, piyodalar hamda ma’muriy va turar joy binolarida yashovchi fuqarolardan e’tiborli va ehtiyot bo‘lishlarini so‘raymiz”, — deyiladi xabarda.