Toshkent viloyati Zangiota tumanida dori vositalarining noqonuniy muomalaga kiritilishining oldi olindi. Bu haqda Bosh prokuratura huzuridagi departament xabar berdi.
Qayd etilishicha, departamentning Zangiota tuman bo‘limi tomonidan DXX va IIB xodimlari bilan hamkorlikda tezkor tadbir o‘tkazilgan. Tadbirda fuqaro N.M. o‘zining Spark avtotransport vositasida tegishli hujjatlari bo‘lmagan umumiy bahosi 271,8 million so‘mlik 9 turdagi jami 17 904 dona dori vositasini Toshkent shahriga o‘tkazish maqsadida olib kelayotgani aniqlanib, ashyoviy dalil sifatida musodara qilingan.
Mazkur holat yuzasidan Jinoyat kodeksining 186-3-moddasi (dori vositalarini dorixonalar va ularning filiallaridan tashqarida realizatsiya qilish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Hindistonning Uttar-Pradesh shtati hukumati O‘zbekistonda bolalar o‘limiga sabab bo‘lgan “Dok-1 Maks” dorisini ishlab chiqaruvchi Marion Biotech Pvt. Ltd kompaniyasining litsenziyasini bekor qilgani to‘g‘risida xabar berilgandi.
Izoh (0)