Andijonlik tadbirkor o‘limida jinoyat alomatlari aniqlanmagan — prokuratura

Ayni paytda Andijon viloyati prokuraturasida matbuot anjumani o‘tkazilmoqda. Bu haqda “Daryo” muxbiri xabar berdi. 

Prokuratura rasmiylarining ma’lum qilishicha, tadbirkor o‘limi yuzasidan ish yakunlangan.

“Tergovoldi tekshiruv harakatlarini o‘tkazib, holatda jinoyat alomatlari aniqlanmagani bois ish yakunlangan”, — deya axborot bergan rasmiylar.

Andijonlik Rahmidin Mirzayev “Rashmilk” va “Recosement” brendlari asoschisi hisoblanadi. U 2022-yilning iyul oyida o‘z joniga qasd qilib, vafot etgandi. Avvalroq hodisa yuzasidan Shahrixon tumani prokuraturasi tomonidan tergovga qadar tekshiruv harakatlari olib borilayotgani xabar qilingan.