O‘zbekistonda dam olish kunlari quruq va iliq ob-havo bo‘ladi

Dam olish kunlari respublika hududi bo‘yicha quruq va iliq ob-havo saqlanib turadi, deb xabar bermoqda “O‘zgidromet”.

Prognozlarga ko‘ra, 24-mart, juma kuni O‘zbekiston hududi bo‘yicha havo asosan kam bulutli bo‘ladi, yog‘ingarchilik kutilmaydi. Janubda va cho‘l hududlarda ba’zi joylarda shamol 15-18 metr/sekundgacha kuchayishi, ayrim joylarda chang-to‘zon bilan kuzatilishi mumkin. Havo harorati 20-23 daraja iliq bo‘ladi.

Shanba va yakshanba kunlari respublika hududi bo‘yicha quruq va iliq ob-havo saqlanib turadi. Kunduzgi havo harorati ko‘tariladi va 23-25 darajani, shimolda, janubda va cho‘l hududlarda 27-29 darajani tashkil etadi.

Respublikaning tog‘li hududlarida 24—26-mart kunlari ba’zi joylarda yomg‘ir yog‘ishi, baland tog‘larda yog‘ingarchilik (yomg‘ir, qor) bo‘lishi mumkin.

Toshkentda havo biroz bulutli bo‘ladi, vaqti-vaqti bilan o‘zgarib turadi, Kuchsiz shamol esadi. Harorat kechasi 8-10 daraja, kunduzi 22-25 daraja iliq bo‘ladi.