O‘zbekistonga olib kirishda bojxona bojidan ozod etiladigan tovarlar ro‘yxati tasdiqlandi

“Isteʼmol bozorlarida narxlar barqarorligini taʼminlashga doir qo‘shimcha chora-tadbirlar to‘g‘risida”gi prezident farmoni qabul qilindi. Bu haqda Telegram’dagi “Huquqiy axborot” kanali xabar berdi.

Farmonga ko‘ra, 2024-yil 1-yanvargacha O‘zbekistonga olib kirishda bojxona bojining nol stavkasi qo‘llaniladigan tovarlar ro‘yxati tasdiqlandi. Jumladan:

• yogurt; paxta, ivigan sut yoki qaymoq, qatiq;
• pishloq va tvoroglar;
• yangi yoki quritilgan xurmo (finik), anjir, ananas, avokado, guava, mango va mangostin yoki garsiniya;
• yangi olma, nok va behi;
• bug‘doy yoki javdardan tashqari g‘alla donidan un;
• kakao tarkibli shokolad va boshqa tayyor oziq-ovqat mahsulotlari.

Maʼlumot uchun, ilgari prezident farmoniga asosan mazkur import bojiga qo‘llanilgan nol stavka 2023-yil 1-iyulga qadar edi.