Toshkent viloyatida 95 mln so‘mlik taqinchoqlarni paypog‘i ichiga yashirib olgan shaxs ushlandi

Toshkent viloyati bojxona postida 95 mln so‘mlik taqinchoqlarni paypog‘i ichiga yashirib olgan shaxs ushlandi. Bu haqda O‘zA xabar berdi. 

Xabarga ko‘ra, viloyat bojxona boshqarmasi “Oybek” chegara bojxona posti orqali qo‘shni mamlakatdan kirib kelayotgan fuqaro xatti-harakatlari xodimlar eʼtiborini tortgan. O‘tkazilgan shaxsiy ko‘rik natijasida fuqaroning paypoqlari ichiga yashirilgan, umumiy qiymati 95 million so‘mlik jami 183 gramm zargarlik buyumlari borligi aniqlandi.  

Shuningdek, jismoniy shaxslar tomonidan O‘zbekistonga qiymatidan oshmaydigan, umumiy og‘irligi 65 grammdan ko‘p bo‘lmagan qimmatbaho metallar va qimmatbaho toshlardan zargarlik buyumlarini olib kirish mumkinligi eslatib o‘tilgan.