Bugun Toshkent shahriga yangi hokim tayinlanishi kutilmoqda. “Daryo” manbasiga ko‘ra, ushbu lavozimni “O‘zavtosanoat” kompaniyasi raisi Shavkat Umrzoqov egallaydi.
![](/static/2023/Islombek Umaraliyev/Umrzoqov.jpg)
“Daryo” muxbiri mazkur xabar yuzasidan Toshkent shahar hokimligi axborot xizmati rahbari Mukarram Azimova bilan bog‘landi.
“Hozir hokim tayinlangani haqida aniq maʼlumot yo‘q. Tayinlansa, rasman eʼlon qilinadi”, — dedi hokimlik matbuot kotibi.
Shavkat Umrzoqov 22-fevral kuni Gimnastika federatsiyasi prezidenti etib saylangandi.
2018-yildan beri Toshkent shahar hokimi lavozimida ishlab kelgan Jahongir Ortiqxo‘jayev joriy yil 16-yanvar kuni Shavkat Mirziyoyev o‘tkazgan energiya resurslari taʼminotiga doir yig‘ilishda ishdan olingandi.
![](/static/2023/Islombek Umaraliyev/ppp photo_2022-03-19_20-06-04.jpg)
Prezident yig‘ilishda hokim anomal suvuqda energotaʼminotda kuzatilgan uzilishlarga sababchi bo‘lgani, qish mavsumiga lozim darajada tayyorgarlik ko‘rmagani uchun lavozimidan ozod etilganini aytgan.
![](/static/2023/Islombek Umaraliyev/ppphoto_2022-02-17_15-56-19.jpg)
16-yanvardan boshlab, Jahongir Ortiqxo‘jayev o‘rniga Toshkent shahar hokimining birinchi o‘rinbosari Baxtiyor Rahmonov Toshkent shahar hokimi vazifasini bajaruvchi etib tayinlangan.
Izoh (0)