Rossiya jang maydonida ustunlikka erishishi mumkin — WP
Ukrainaga qurol-yarog‘ yetkazib berish yanada kechiksa, Rossiya jang maydonida ustunlikka ega bo‘ladi. The Washington Post tegishli maqolani e‘lon qildi.
Maqolada G‘arb yaqinda Ukrainaga va’da qilgan qurol-yarog‘ni yetkazib berishni kechiktirayotganiga ishora qilinadi.
“Agar ta’minot yo‘llari va transport markazlari bir necha oy oldin e’lon qilingan uskunalarni yetkazib berishda yuqori yuklanishga duch kelsa, bu Rossiyaga ustunlik berishi mumkin”, — deydi maqola mualliflari.
Ular G‘arb davlatlari va’da qilgan harbiy yordamni uzoq vaqtdan beri olmagani va Ukraina armiyasining harakatlanishi harbiy texnika yetkazib berishdagi muammo sababli sekinlashganini aytmoqda.
Nashr fikricha, Pentagonning Abrams tanklarini yetkazib berishni tezlashtirish rejasi hamda Polsha, Slovakiyaning Ukrainani qiruvchi samolyotlar bilan ta’minlash haqidagi qarori “Kremlning Xitoy va Eron bilan ittifoqchilik aloqalarini mustahkamlashdan xavotirni aks ettiradi”.
Buning fonida G‘arbning harbiy yordam ko‘rsatishi uzoqqa cho‘zilayotgani qayd etilgan. The Washington Post “G‘arbning kutilajak yordami sekinlashayotganidan” xavotir bildirmoqda.
“Abrams Ukraina qo‘shinlarining bahorgi qarshi hujumidan taxminan olti oy o‘tgach, yetkazib beriladi”, — deyiladi xabarda.
Shu bilan birga, Ukraina Qurolli Kuchlar uchun T-64 va T-72 kabi eski tanklarning G‘arb tizimlariga nisbatan afzalliklaridan biri ekipaj va mexaniklarning ulardan foydalanishni bilishida ekani aytilgan. Pentagon rasmiylari ukrainalik harbiylar Abrams’ni ishlatishda qiyinchiliklarga duch kelishini bir necha bor ta’kidlagan.
