“Real” 2024-yilda Erling Holandni xarid qilmoqchi.
Madrid klubi Kilian Mbappe bilan shartnoma imzolashi yoki uni jamoaga olib kela olmasligidan qat’i nazar 2024-yilda norvegiyalik hujumchini xarid qilish istagida. Agar Holand keyingi yil “Manchester Siti”ni tark etishga qaror qilsa, qulay muzokaralar pozitsiyasini egallash uchun madridliklar hozirdan tayyorgarlik ko‘rmoqda.
“Qaymoqranglilar” Holandni Karim Benzemaga o‘rinbosar sifatida jamoaga olib kelmoqchi. AS nashrining xabariga ko‘ra, ushbu transfer Madrid klubi uchun 220—240 million yevroga tushadi.
“Real” hujum chizig‘ida Holand, Mbappe va Vinisius uchligini shakllantirmoqchi. 2024-yilda klub Karim Benzema, Toni Kroos, Eden Azar va Luka Modrich bilan xayrlashadi va shu tariqa maoshlardan 50 million yevro iqtisod qiladi. Bu pullar esa Erling va Kilian maoshlariga sarflanadi.
Norvegiyalik futbolchi joriy mavsum APLda 26 ta o‘yinda ishtirok etib, 28 ta gol va 5 ta golli uzatmaga mualliflik qildi.
Izoh (0)