Iftorlik dasturxoni uchun: qo‘y go‘shti, sabzi va kartoshka qo‘shib tayyorlanadigan xushta’m taom retsepti

Qo‘y go‘shti va sabzavotlardan tayyorlanadigan taom mazali ta’mga ega. Unga o‘zingizga yoqqan ko‘katlarni ham qo‘shishingiz mumkin. Lavr yaprog‘i taomga o‘zgacha hid va ta’m beradi.

Kerakli masalliqlar:

• lahm qo‘y go‘shti — 800-900 g
• kartoshka — 700-800 g
• sabzi — 3 dona
• piyoz — 1 dona
• sarimsoq — 4 donacha
• un — 1-2 qoshiq
• tuz — ta’bga ko‘ra
• murch — ta’bga ko‘ra
• sho‘rva yoki suv — 800 ml
• tomat pastasi — 1 qoshiq
• quritilgan timyan — 1 qoshiq
• lavr yaprog‘i — 1-2 dona
• o‘simlik yog‘i — 2-3 qoshiq

Tayyorlanishi:

1. Go‘sht, kartoshka va sabzini o‘rtacha, piyozni mayda qilib to‘g‘rab oling. Sarimsoqni qirg‘ichdan o‘tkazing.
2. Qo‘y go‘shtini o‘simlik yog‘ida har bir tomonini qizartirib qovurib oling va pishganidan so‘ng likopchaga soling.
3. Piyozni tovaga soling va yengil qizarguncha sarimsoq solib qovuring.
4. Qo‘y go‘shtini soling. Sabzi, tomat pastasi, tuz, murch, timyan va lavr yaprog‘i bilan kartoshka qo‘shing. Hamma mahsulotlarning ustidan sho‘rvani quying.
5. Qaynatgandan keyin olovni minimal darajaga tushiring, tovaning qopqog‘ini yoping va go‘sht, sabzavotlarni taxminan bir yarim soat qaynatib oling.

Yoqimli ishtaha!