Global terrorizm indeksi—2023 (GTI) bo‘yicha Afg‘oniston ketma-ket to‘rtinchi yil o‘limlar soni bo‘yicha reytingda birinchilikni egallamoqda.
Indeks 2007-yildan buyon sodir etilgan terakt va halok bo‘lganlar soni bo‘yicha ma’lumotlar asosida hisoblab chiqiladi. Eng yomon terrorchilik holati — Afg‘onistonda. GTI ma’lumotlariga ko‘ra, mamlakatda 633 ta terakt qayd etilgan. Hujumlarning 63 foizi va o‘lim holatlarining 74 foizi Pokiston bilan chegarada yuz bergan.
Markaziy Osiyodagi vaziyat ijobiy baholangan. O‘zbekiston mazkur reytingda 70-o‘rinni egallagan (2022-yilda uning ko‘rsatkichlari yomonlashgan). Tojikiston esa 50-o‘rinda. Qozog‘iston, Qirg‘iziston va Turkmaniston 93-o‘rinni o‘zaro bo‘lishgan.
Toliblar tomonidan Afg‘oniston egallanganidan keyin ISHID “eng faol terrorchilik guruhiga” aylangan va 2022-yilda 422 kishini o‘ldirgan. Terrorizm bilan bog‘liq o‘lim holatlarining qariyb 67 foizi ISHID hisobiga to‘g‘ri keladi.
Ma’lumot uchun, O‘zbekiston ushbu indeksda 2016-yili 125-o‘rinni, 2019-yilda esa 132-o‘rinni egallagan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)