O‘zbekistonda dollarning rasmiy kursi ko‘tarildi

Markaziy bank xorijiy valyutalarning o‘zbek so‘miga nisbatan 24-martda amalda bo‘ladigan qiymatini e’lon qildi.

Unga ko‘ra, dollarning rasmiy kursi 16,18 so‘mga ko‘tarilib, 11 391,23 so‘mni tashkil qildi. Yevro 288,33 so‘mga oshib, 12 399,35 so‘m bo‘ldi. Rubl 0,42 so‘mga ko‘tarilib, 148,90 so‘m bo‘ldi.

Bundan avval dollar kursi ketma-ket ikki kun pastlab, 11 375,05 so‘mni tashkil qilgandi. Yevro va rubl kursi ham tushgandi.