Zelenskiy Rossiyaning Zaporojyedagi turar joyga uchirgan raketasi oqibatini ko‘rsatdi
Ukraina prezidenti Vladimir Zelenskiy Rossiyaning Zaporojyedagi turar joyga uchirgan raketasi oqibatini namoyish qildi. Zelenskiy o‘zining Telegram sahifasiga tegishli videoni joyladi.
Tasvirda Rossiya raketasining aholi yashaydigan binoga urilgani, ko‘chada aholi raketa zarbasi ovozidan qo‘rqib qochayotganini ko‘rish mumkin.
“Zaporojye. Ayni damda Rossiya raketasi ko‘p qavatli binoga kelib urildi. Rossiya shaharni vahshiylik bilan o‘qqa tutmoqda. Aholi yashaydigan turar joylar nishonga olinmoqda. Terrorchi davlat shaharlarimizni, davlatimizni, xalqimizni yo‘q qilishga intilmoqda.
Bu Ukrainada yoki Yevropa va dunyoning boshqa joylarida ‘yana bir kun’da aylanmasligi kerak. Rossiya terrorini tezroq yengish va insonlar hayotini himoya qilish uchun dunyo yanada birdamlik va qat’iyatga muhtoj”, — deya Zelenskiy video ostiga izoh qoldirgan.
Ukraina ommaviy axborot vositalarida Zaporojyega uchirilgan raketalardan biri portlamay qolgani va tomda turgani tasviri namoyish qilindi.
