“Tolibon” O‘zbekiston delegatsiyasi bilan muzokara olib bordi. Nimalar muhokama qilindi? (video) 

Afg‘oniston mudofaa vaziri mulla Muhammad Yoqub O‘zbekiston delegatsiyasini qabul qildi. Bu haqda Sputnik Afg‘oniston xabar berdi.

Delegatsiya tarkibi prezidentining tashqi siyosat bo‘yicha maxsus vakili Abdulaziz Komilov va prezidentning Afg‘oniston bo‘yicha maxsus vakili Ismatulla Ergashevdan iborat. “Tolibon” Mudofaa vazirligiga ko‘ra, tomonlar uchrashuvda chegarani himoya qilish, xavfsizlikni ta’minlash va ikki tomonlama munosabatlarni rivojlantirish masalalarini muhokama qilgan.

O‘zbekiston tomoni “Tolibon” harakatiga siyosat, iqtisod, xavfsizlik va boshqa sohalarda yordam berishga tayyorligini bildirgani ta’kidlandi.