O‘zbekistonda mahalla nazorati va mahalla raisi so‘rovi institutlari joriy etiladi
O‘zbekistonda mahalla nazorati va mahalla raisi so‘rovi institutlari joriy etiladi. Bu haqda Shavkat Mirziyoyevning O‘zbekiston mahalla tizimi xodimlari va faollariga yo‘llagan tabrigida ma’lum qilindi.
Mahallaning ijtimoiy-iqtisodiy hayotimizdagi rolini yanada oshirish bundan buyon ham e’tibor markazida bo‘ladi. Shu maqsadda mahalla fuqarolar yig‘iniga o‘zi joylashgan hududdagi xalq deputatlarining mahalliy kengashlari sessiyalariga takliflar kiritish, kengash qarori va loyihalarini ishlab chiqish, muhokama qilishda ishtirok etish huquqi berilmoqda.
Shuningdek, aholi o‘rtasida e’tirozlarga sabab bo‘layotgan ijtimoiy muammolarni aniqlash va hal etish uchun mahalla raisi tomonidan muhokamalar o‘tkazish, har oyda mahalla kengashida tegishli davlat organ va tashkilot rahbarlari axborotlarini eshitish amaliyoti yo‘lga qo‘yilib, mahalla nazorati va mahalla raisi so‘rovi institutlari joriy etiladi.
