Afg‘onistonda erkak xotini va bolalarini otib tashladi 

Afg‘onistonning Nangarhor viloyatida yashovchi erkak xotini va uch farzandini otib tashladi. Bu haqda mahalliy manbalarga tayanib, Hasht-e Subh Daily xabar berdi.

“Tolibon” politsiyasining Nangarhordagi vakili ma’lumotni tasdiqlab, hodisa Sarhrud tumanida sodir bo‘lganini aytdi. Erkak o‘ziga o‘q uzishidan oldin dastlab rafiqasi, qizi va ikki o‘g‘liga o‘q uzgan. Hodisa oqibatida ayol halok bo‘lgan, bolalar esa yaralangan. Yana bir manba erkakning ismi Amrulla bo‘lib, u o‘z oila a’zolarini ov quroli bilan otganini aytgan.

Ushbu hodisaga qashshoqlik va oilaviy kelishmovchiliklar sabab bo‘lgani aytilmoqda. Afg‘onistonda “Tolibon” hokimiyatga kelganidan beri aholi orasida qashshoqlik yuqori ko‘rsatkichga yetgani ta’kidlangan.