Hindiston mezbonligida o‘tayotgan boks bo‘yicha ayollar o‘rtasidagi Jahon chempionatining 21-mart, seshanba kungi bahslarida uch nafar o‘zbekistonlik bokschi ringga ko‘tarildi.
-48 kg vazn toifasida O‘zbekiston sharafini himoya qilayotgan Farzona Fozilova nimchorak finalda serbiyalik Snejana Siljkovichga qarshi to‘qnash keldi va raqibiga imkon qoldirmadi (5:0).
-63 kg vazn toifasi vakili Xadichabonu Abdullayeva ham Serbiya sportchisi Yelena Yanichiyevichdan 5:0 hisobida ustun keldi.
Navbahor Hamidova (-66 kg) esa mezbonlar vakili Manju Bamboriya ustidan ishonchli g‘alabani qo‘lga kiritdi (5:0).
Shu tariqa uch nafar o‘zbekistonlik bokschi musobaqaning chorak finaliga yo‘llanma oldi.
Izoh (0)