Jizzaxda sodir bo‘lgan YTHda ikki nafar prokuratura xodimi halok bo‘ldi. Bu haqda Bosh prokuratura matbuot kotibi Hayot Shamsutdinov “Daryo”ga ma‘lum qildi.
Qayd etilishicha, 18-mart kuni soat 23:00 larda Zomin tumani prokurorining yordamchisi lavozimida ish o‘rganuvchi E.K. Lacetti rusumli avtomashinani boshqarib ketayotib, Supa—Zomin yo‘nalishining 26-kilometrida yo‘lning o‘ng chetidagi daraxtga urilishi oqibatida yo‘l-transport hodisasini sodir etgan.
Oqibatda E.K. va avtomashina salonida bo‘lgan Zomin tumani prokuraturasi ish yurituvchisi A.Q. olgan tan jarohatlari natijasida voqea joyida vafot etgan. Tuman prokuraturasi tergovchisi D.Z. tan jarohatlari bilan tuman tibbiyot birlashmasiga yotqizilgan.
Mazkur holat yuzasidan viloyat prokuraturasi tomonidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 3-qismi “a” bandi bilan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)