Qashqadaryo viloyati Kitob tumani tibbiyot birlashmasi shifokori tamagirlik qilgani aks etgan video tarqaldi. Sog‘liqni saqlash vazirligi holat yuzasidan maʼlumot berdi.
Xabarga ko‘ra, Sog‘liqni saqlash vazirligi mazkur holatni zudlik bilan o‘z nazoratiga olib, zarur chora-tadbirlarni belgilagan. Xususan, tug‘uruq bo‘limi akusher-ginekologi X.G. va doya N.N. ishdan bo‘shatilib, to‘plangan dastlabki hujjatlar huquqni muhofaza qilish idoralariga taqdim etildi.
Ayni paytda vazirlik va huquq-tartibot idoralari hamkorligida o‘rganish ishlari olib borilmoqda. Uning natijalari bo‘yicha qo‘shimcha maʼlumot taqdim etiladi.
Izoh (0)