Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.
Shahzoda Muhammedova qizi Milananing ismi bilan ataladigan to‘y liboslari salonini ochdi.
Aktyor, shoir va rejissor Ahad Qayum otasiga 42 ming dollarlik Jetour X95 avtomobilini sovg‘a qildi.
Ulug‘bek Rahmatullayev va Jahongir Poziljonov Termiz shahrida o‘tkazilgan Navro‘z tantanalarida ishtirok etish uchun jo‘nab ketdi.
Javohir Zokirov qo‘qonlik qarindoshlarinikida mehmonda bo‘ldi.
Asal Shodiyeva Ozarbayjon poytaxti Boku shahrida o‘tkazilayotgan Reputation awards tanlovida ishtirok etmoqda.
Bir oy avval axloqsiz raqslari uchun litsenziya muddati uzaytirilishi rad etilgan xonanda Kaniza litsenziyasini hech qanday muammosiz qaytarib olgani haqida so‘zlab berdi. U o‘zini ushbu murakkab jarayonda qo‘llab-quvvatlagan muxlislariga minnatdorchilik bildirdi.
Vayner Xoliqjon bezorilik jinoyatini sodir etganlikda gumonlanib, hibsga olingan do‘sti Dili.me haqida turli gap-so‘zlarni tarqatmaslikka chaqirdi.
Yulduz Turdiyeva turmush o‘rtog‘i va farzandlari bilan Fransiya poytaxti Parij shahriga dam olish uchun uchib ketdi. Xonanda farzandlari bilan shopping jarayoni aks etgan suratni Stories’ga joyladi.
Jahongir Otajonov muxlislarini kirib kelayotgan Ramazon ayyomi bilan tabrikladi.
Munisa Rizayeva O‘zbekiston Prezidenti Shavkat Mirziyoyev “Bunyodkor” stadioniga tashrif buyurib, futbolchilarni qo‘llab-quvvatlaganidan hayron qolganini bildirdi.
Bloger Javohir Rasulov ommaviy axborot vositalarini do‘sti Dili.me’ning oilaviy muammosini noto‘g‘ri talqin qilib, ushbu vaziyatdan piar uchun foydalanmaslikka chaqirdi.
Izoh (0)