Andijon viloyati Asaka tumanida 17-mart kuni “Konstitutsiya o‘zimizniki” shiori ostida Konstitutsiyaviy qonun loyihasi bo‘yicha targ‘ibot tadbiri va konsert-shou dasturi bo‘lib o‘tdi.
Unda tadbirkor Zafar Hoshimov yangi tahrirdagi konstitutsiyada tadbirkorlarning huquqlari, ularga berilayotgan afzalliklar haqida gapirib berdi. U, shuningdek, hozirda tadbirkorlar bozori bo‘sh ekanini aytib, barchani mazkur faoliyatga chaqirgan.
“Biz tadbirkorlarga nima kerak? Mol-mulk huquqimiz muhofaza bo‘lishi va davlat mol-mulkni himoyalab, kafolatlab berishi kerak. Bu narsa asosiy qonunga kirishi kerak. Bu narsa belgilangan o‘zgarishlar. Avvallari biror kim Andijondan kelib Toshkentda ishlay olmasdi, propiskasi bo‘lmasa yetaklab olib ketishardi. Ular biz kabi O‘zbekiston fuqarosi bo‘lgan. Mehnat bozori va fuqarolarning erkin harakatlanishi ham yangi tahrirdagi konstitutsiyada kafolatlanib berilmoqda.Yana bir narsa aytish kerak, bu raqobat muhiti. Davlat mulki bo‘ladimi yoki yer qanday berilayotganini bilmas edik. Hozir bu ochiq-oydin auksionlarda shaffof taqsimlanyapti. Bu ham tadbirkorlar uchun juda muhim omil bo‘ldi. Tadbirkorlar uchun yana bir omil: soliq tizimi. Soliq tizimining adolatli bo‘lishi yangi qomusimizda o‘z ifodasini topmoqda. Bizning bozorimiz hamon bo‘sh, juda ko‘p imkoniyatlar bor.
Men barchani kafolatlangan, muhofaza qilingan tadbirkorlik faoliyatiga taklif qilib qolaman. Tadbirkor va fuqaro sifatida shuni aytamanki, bu konstitutsiya meniki, seniki, bizniki, o‘zimizniki”, — deydi tadbirkor.
Izoh (0)