Pentagon rasmiylari o‘zga sayyoraliklar Quyosh tizimiga tashrif buyurishi va boshqa sayyoralarni o‘rganish uchun NASA missiyalariga o‘xshash kichik zondlarni yuborishi mumkinligini aytdi. Bu haqda Fox News xabar berdi.
7-mart kuni Pentagonning barcha sohalarda anomaliyalarni bartaraf etish boshqarmasi direktori Shon Kirkpatrik va Garvard universiteti astronomiya kafedrasi mudiri Avraam Leb tomonidan tadqiqot hisoboti loyihasi e’lon qilindi. Loyiha noma’lum havo hodisalarining jismoniy chekloviga e’tibor qaratgan.
“Sun’iy yulduzlararo obyekt Yerga yaqinlashganda ko‘plab kichik zondlarni faollashtiradigan kosmik kema bo‘lishi mumkin. Bu NASA missiyalaridan unchalik farq qilmaydigan operatsion dizayndir”, — deyiladi xabarda.
Hisobotga ko‘ra, NASAga 2005-yilda Kongress tomonidan Yer yaqinidagi 140 metrdan katta obyektlarning 90 foizini aniqlash topshirilgan, bu esa Pan-STARRS teleskoplarini yaratishga olib kelgan. 2017-yil 19-oktabrda Pan-STARRS g‘ayrioddiy yulduzlararo obyektni aniqlagan, u “Oumuamua” deb nomlangan, bu Gavayi tilida “razvedkachi” degan ma’noni anglatadi. Shunga o‘xshash ikkinchi obyekt tekshiruvi 2023-yilning fevral oyida kuzatilgan.
“Ushbu tadqiqot obyektlari Yerga yoki Quyosh tizimidagi boshqa sayyoralarga yetib borishga qodir. Ularni aniqlash oson emas, chunki ular yetarlicha quyosh nurini aks ettirmaydi, bu esa teleskoplar tomonidan ularni aniqlashni qiyinlashtiradi”, — deyiladi hisobotda.
Tadqiqot hisoboti AQSH osmonida noma'lum uchuvchi jismlarni bir oy sinchkovlik bilan o'rganishdan so'ng chop etilgan.
Izoh (0)