Pokistonning Panjob viloyatidagi qishloqlar va kichik shaharlarga borib, aholini buyraklarini sotishga ko‘ndirgan shifokorlar qo‘lga olindi. Bu haqda South China Morning Post xabar berdi.
Ma’lum qilinishicha, xorijlik boylar transplantatsiya uchun 50 ming dollargacha pul to‘lagan, biroq donor atigi 3 ming dollar olgan. Iqtisodiy inqiroz sharoitida qashshoqlashgan mamlakatda bu amaliyot avj olgan. Holat bo‘yicha kamida 10 kishi, jumladan shifokorlar va hamshiralar sog‘liqni saqlash hamda politsiya inspektorlari tomonidan hibsga olingan. Xavfsizlik xodimlari Islomobod yaqinidagi Ravalpindi shahri klinikasiga reyd uyushtirgan.
Politsiya uch nafar Saudiya va Afg‘onistondan deb gumon qilingan donor hamda buyrakni sotib olmoqchi bo‘lgan ikki kishini hibsga olgan. Bundan tashqari qo‘lga olinganlar Panjob viloyatidagi qishloq va kichik shaharchalarga borib, odamlarni buyraklarini arab mamlakatlari va ayrim Yevropa davlatlaridan kelgan badavlat xorijliklarga sotishga ko‘ndirganlar bor.
2010-yilda Pokistonda inson organlarining noqonuniy savdosiga qarshi kurash to‘g‘risidagi qonun qabul qilingan. Unga ko‘ra, norasmiy shifoxonalarda transplantatsiyani amalga oshirganlarga 10 yilgacha qamoq va jarima belgilanadi. Qonun korrupsiya va qashshoqlikning kuchayishi, jinoiy guruhlar tufayli noqonuniy amaliyotlarni nazorat qilishga yordam bermadi.
Izoh (0)