BMTning Inson huquqlari bo‘yicha bosh komissari Volker Turk 15-mart kuni Toshkent shahrida O‘zbekistonga amalga oshirgan tashrifi yuzasidan matbuot anjumani o‘tkazdi. “Daryo” muxbirining xabar berishicha, anjumanda Volkner Turk O‘zbekistondagi o‘zgarishlarning markazida inson huquqlariga bo‘lgan e’tibor turganiga alohida to‘xtalib o‘tgan.
“O‘tgan olti yil ichida mamlakatda o‘zgarishlar bo‘yicha ko‘p ishlar qilindi. Bosh komissar sifatida men umid qilamanki, yangi islohotlar natijasida yangi O‘zbekiston barcha fuqarolarga to‘liq va munosib hayot kechirish imkoniyatini beradi”, — dedi BMT vakili
Oliy komissar O‘zbekistondagi gender tafovutni bartaraf etish zarurligiga to‘xtalib, prezident va Senat raisi ushbu nomutanosiblikni yo‘qqa chiqarish bo‘yicha ishlar olib borayotganini ta’kidladi.
“Shuningdek, men oiladagi zo‘ravonlikni jinoiy javobgarlikka tortish rejalari bilan tanishishga taklif qilishdi. OIV yuqtirishni har qanday sharoitda ham jinoyat deb hisoblaydigan qonunchilikni o‘zgartirishda mening idoram mamlakatga yordam berishga tayyor”, — deydi Volker Turk.
Bundan tashqari, janob Volkner Turk 2022-yil iyul oyida Nukusda sodir bo‘lgan tartibsizliklar yuzasidan tekshiruv jarayonlarini shaffof va mustaqil tarzda o‘tkazish zarurligini qayd etdi.
“Qoraqalpog‘istonda halok bo‘lgan insonlar uchun javobgarlik bo‘lishi lozim. Men ushbu vaziyatda adolatli sud standartlari muhimligini takrorlayman”, — deya qo‘shimcha qildi oliy komissar.
Izoh (0)