Toshkent viloyati, Bo‘stonliq tumanidagi dam olish maskani kimoshdi savdosiga qo‘yilgandi.
10 mart kuni bo‘lib o‘tgan savdolarda Milliy bankka tegishli oromgoh 76,7 mlrd so‘mga sotildi.
-3.jpg)
Dam olish maskaniga tegishli yer uchastkasining umumiy maydoni — 31,3 gektar. Oromgohdagi binolarning maydoni — 1 275 kvadrat metr. Binoda suv va elektr ta’minoti mavjud, gaz va kanalizatsiya esa yo‘q.
Oromgoh mebel, oshxona anjomlari va maxsus texnikalar bilan savdoga chiqarilgandi.
Auksionga qo‘yilgan dam olish maskanining boshlang‘ich bahosi — 73 mlrd so‘m edi. 10 mart kuni oromgoh “Sarmoyador” kompaniyasiga 76,7 mlrd so‘mga sotildi.
“Sarmoyador” 2017-yilda tashkil qilingan va 27,6 mlrd so‘m ustav kapitaliga ega. Ushbu kompaniya Baxtiyor Maxkamovga tegishli. U yana Vision Soft va Euroroads kabi kompaniyalarga ham egalik qiladi.
Izoh (0)