Bankrot bo‘lgan AQSH banki Silicon Valley Bank (SVB) aksiyadorlari guruhi SVB Financial Group kredit tashkilotining bosh kompaniyasiga qarshi firibgarlik bo‘yicha sudga murojaat qildi. Sud jarayoni bank rahbariyatining ikki yuqori martabali vakiliga ham tegishli, deb yozadi Reuters.
Aksiyadorlarning so‘zlariga ko‘ra, rahbariyat vakillari AQSH Federal zaxira tizimi foiz stavkalarining oshishi haqiqatan ham bank balansi holatiga qanday ta’sir qilganini yashirgan.
Bundan tashqari, aksiyadorlar bankni bankrotlik xavfiga “maxsus ta’siri”ni yashirganlikda ayblamoqda.
11-mart kuni Silicon Valley Bank Kaliforniya regulyatori tomonidan bankrot deb e’lon qilindi.
SVB AQSHdagi eng yirik 16-bankdir. SVB bankrotligi 2008-yildagi inqirozdan keyingi eng yirik bankrotlik bo‘ldi. U AQSH tarixidagi Vashington Mutual Bank’dan keyin ikkinchi yirik bankrotga aylandi.
8-mart kuni bank “balans balansini mustahkamlash uchun” 1,75 milliard dollarga qo‘shimcha aksiyalar chiqarilishini amalga oshirdi. Shundan so‘ng kompaniya askiyalari 60 foizga tushib ketdi.
Keyinchalik tizimli xavflar tufayli Signature banki ham yopildi. AQSH prezidenti Jo Bayden bankrot bo‘lgan banklar rahbariyati ishdan bo‘shatilishi va javobgarlikka tortilishi, bank sektoriga nisbatan nazorat va tartibga solish choralari kuchaytirilishiga va’da berdi.
Izoh (0)