Biz diqqatga sazovor joy ma’lum bir obyekt bo‘la oladi, degan tushunchaga o‘rganib qolganmiz, masalan Kopengagendagi Kichik suv parisi haykali yoki Stounhenj mashhur obyektlar safiga kiritilgan. Biroq bu safar haykaltarosh yoki me’morning yaratgan ijod mahsuli emas, balki oddiy mushuk mashhur joylarni ortda qoldirib, katta mashhurlikka erishdi. Mushuk yaxshi mahsulotlar bilan ovqatlantiriladi va yoqimtoy, chiroyli ko‘rinishga ega.
Mashhur mushukning laqabi Gasek
Mushukning laqabi tarjima qilinganda, “katta quloqli ko‘rshapalak” degan ma’noni anglatadi. Shuningdek mushuk Google xaritalarida besh yulduzli reytingga ega, u Shetsin shahriga kelgan sayyohlar tomonidan juda yuqori baholangan.
Xarizmatik momiq, semiz mushuk insonlarga shunchalik qiziqki, ular mushukni ko‘rish uchun boshqa mamlakatlardan ham keladi.
“Kutilganidek, u menga hech qanday e’tibor bermadi. Biroq menga bu dunyoda biron bir inson bilan tushlik qilishni yoki mushukni boqish uchun bu yerga uchishni taklif qilishsa, men yana bu yerga uchib kelardim”, — deydi Oslolik sayyoh.
Mushuk bir necha yil oldin yulduzga aylangan edi
To‘g‘rirog‘i, mushuk 2020-yilda, u haqidagi videolar tarqalganida mashhur bo‘lgan edi. Mushukning turli xil videolari platformalarda jami 4,5 million marta ko‘rilgan. Hozirda butun dunyodagi sayyohlar ijtimoiy tarmoqlarda mashhurlikka erishgan “Kashubian ko‘chasi qiroli” bilan shaxsan tanishish uchun keladi.
Mushuk ko‘chada yashaydi, biroq do‘kon egalari uni nazorat qiladi
Gasek do‘kon yonida yashaydi, uning egalari mushukka g‘amxo‘rlik qiladi va qarashadi. Mushuk ko‘chada qurilgan yog‘och uyida ko‘p yillardan buyon yashaydi. Uning ovqatlanishi ham diqqat bilan kuzatib boriladi, do‘kon egalari insonlardan mushukni ovqatlantirmaslikni va barcha shirinliklarni qadoqlangan holda olib kelishni va uni to‘g‘ridan-to‘g‘ri mushukga bermaslikni so‘rashadi.
Gasekning reytingi shaharning boshqa mashhur diqqatga sazovor joylarini ortda qoldirgan
Masalan, mushuk yashaydigan shaharda joylashgan Pomeraniya knyazlari qal’asi sayyohlar tomonidan Gasekning reytingidan pastroq baholangan. Biroq yoqimtoy mushukni ham yoqtirmaydiganlar bor, masalan, mushuk sosiska o‘g‘irlagani uchun kimdir ijtimoiy tarmoqlarda unga faqat bitta yulduzcha qo‘ygan.
Izoh (0)