Xonanda Shohruxxonning rafiqasi Asal Shodiyeva “Daryo” muxbiri Feruz Muhammadga bergan intervyusida turmush o‘rtog‘ining konsert oldi hayajonlari, nimadan asabiylashishi va yangi Shohruxxonga munosabat bildirdi.
Xonanda Shohruxxon “Ey yor” deb nomlangan konsert dasturida o‘zining butunlay boshqacha, yangi qirralarini ochishga harakat qildi va yangi Shohruxxon kashf qilinishi haqida muxlislarga video murojaat qildi.
“Yangi Shohruxxonning orzulari juda ham katta, harakati eski Shohruxxonga qaraganda tezroq”
Yangi Shohruxxonning orzulari juda ham katta, harakati eski Shohruxxonga qaraganda tezroq. Odam ulg‘aygani sari orzularini sedan chiqarib qo‘yar ekan. Yoshlar esa orzularga to‘la bo‘ladi. Menimcha, hozir Shohrux akani ijodlarida shunaqa vaqt keldiki, ularda boshqatdan, ikkinchi nafas ochilib, yanada ko‘proq va yaxshiroq o‘zlarining ustilarida ishlashni boshladi.
Ular qanchalik sahnada hayajonlanishlarini faqat men bilaman. Chunki konsertga bir kun qolganida, bir soat, yoki bir daqiqa qolganida ularni qanday hayajon bosishini ko‘rib turaman. Shu payt ularni qiynayotgan hayajonlarni yarmini menga bersa, ularga yengilroq bo‘larmidi, deb o‘ylayman. Lekin ular bu safargi konsertni ham uddaladilar.
“Bu yil konsertda chiqishim rejada bor edi, lekin chiqmadim”
Shohrux aka idealist, ular uchun hamma narsa mukammal bo‘lishi kerak. Konsertning nimasidur noto‘g‘ri ketib qolsa, juda qattiq asabiylashadilar. Va albatta bu narsa konsertga o‘zining salbiy ta’sirini ko‘rsatadi. His-tuyg‘ularsiz, hayajonsiz san’atkor baribir mukammal emas. Menimcha konsertlarning ham qiziq joyi shunda, konsert ko‘ngildan chiqishi uchun albatta hayajon bo‘lishi kerak. Qachonki inson hayajonlansa, konsert ham shunga yarasha ko‘ngildagidek yaxshi chiqadi.
Bu yil konsertda chiqishim rejada bor edi, lekin chiqmadim. Men konsertga chiqmasam ham, o‘zimni konsertga chiqqandek his qilib o‘tiraman.
Batafsil reportajni quyida tomosha qilishingiz mumkin.
Izoh (0)