Xitoyning King Long kompaniyasi O‘zbekistonga yetkazib beriladigan, tabiiy gazda ishlaydigan 18 metrli avtobuslarning dastlabki partiyasini ishlab chiqardi.
Transport vazirligi matbuot xizmati ushbu avtobuslarning dastlabki namunalari aks etgan videoni e’lon qildi. Vazirlik axborotiga ko‘ra, mazkur avtobuslar mart—aprel oylari davomida O‘zbekistonga yetkazib berilishi kutilmoqda.
Shavkat Mirziyoyevning 2023-yil 16-fevraldagi “Jamoat transporti tizimini isloh qilish chora-tadbirlari to‘g‘risida”gi qaroriga asosan Toshkent shahri jamoat transporti uchun 200 dona 18 metrli va 500 dona 12 metrli tabiiy gazda ishlaydigan avtobuslar hamda 300 dona 12 metrli elektrobuslar xarid qilish belgilangan.
Xitoyning Xiamen King Long United Automotive Industry Co., Ltd kompaniyasi va “Toshshahartransxizmat” AJ o‘rtasida tuzilgan shartnomaga asosan 200 dona King Long rusumli o‘ta katta sig‘imli avtobuslarni ishlab chiqarish jadal davom etmoqda.
Izoh (0)