Joriy hafta avvalida Shavkat Mirziyoyev Oliy Majlis Qonunchilik palatasi deputatlari va Senati aʼzolari, Oliy sud rahbariyati bilan uchrashdi. Mazkur maslahatlashuvda davlat rahbari, deputat va senatorlar tomondan qator takliflar berildi.
Maʼlumki, Yangi O‘zbekistonni – aholining turli qatlamlari manfaatlarini ifoda etadigan kuchli siyosiy partiyalarsiz qurib bo‘lmaydi.
Ushbu o‘rinda davlat rahbari tomonidan siyosiy partiyalar roli va mavqeini yanada oshirish maqsadida saylov tizimini qayta ko‘rib chiqib, mamlakatda aralash – majoritar va proporsional saylov tizimini joriy etish bo‘yicha taklif bildirildi.
Bunda, Qonunchilik palatasi deputatlarining yarmi hozirgi tartib bo‘yicha saylansa, qolgan yarmi siyosiy partiyalarning ro‘yxatlari asosida saylanadi. Yaʼni, fuqarolar 75 ta o‘rin bo‘yicha aniq bir nomzodni saylasa, qolgan 75 tasi bo‘yicha siyosiy partiyaga ovoz beradi.
Konstitutsiyaga o‘zgartirish bilan birgalikda, ushbu masalalarni saylov qonunchiligida belgilab ketish lozimligi ham qayd etildi.
Izoh (0)