AQSHning Texas shtatida sobiq xotinini pichoqlab, uning 6 yoshli qizini hammomda cho‘ktirgan mahbus erkak qatl qilinishi kutilmoqda. Bu haqda Daily Mail xabar berdi.
51 yoshli Gari Grin 2009-yil sentabr oyida 32 yoshli Lovetta Armsted va uning qizi Jazzmen Montgomerini Dallasdagi uyida o‘ldirgan. Qizning otasi Rey Montgomeri Grinning qatl etilishini olqishlamagan, ammo buni adliya tizimi ishlayotgani bilan izohlagan.
“Bu qizimning qiynoqqa solinganiga nisbatan adolatli qadamdir. Bu Lovettning o‘ldirilishiga nisbatan adolatdir”, — dedi Montgomeri.
6-mart kuni Grinning advokatlari qatlni bekor qilish bo‘yicha hech qanday apellyatsiya shikoyati bilan murojaat qilmagan. Bungacha advokatlar Grinning aqliy nuqson borligi va umrbod ruhiy kasallikdan aziyat chekayotganini ta’kidlab kelgan. Ushbu appelyatsiyalar AQSH Oliy sudi va quyi apellyatsiya sudlari tomonidan rad etilgan. Oliy sud aqliy nuqsoni borlar uchun o‘lim jazosini taqiqlagan, ammo jiddiy ruhiy kasalligi bo‘lgan odamlar bundan mustasno.
Rasmiylarning aytishicha, Grin Armsted nikohlarini bekor qilishga uringandan keyin uni va qizini o‘ldirgan. Qotillik sodir bo‘lgan kuni Armsted Gringa ikkita maktub yozgan va u o‘zi uchun muqobil qaror qabul qilishi kerakligini bildirgan.
Shundan so‘ng Grin Armstedga yigirma martadan ko‘proq pichoq sanchgan, Jazzmanni esa vannasida cho‘ktirgan. Rasmiylarning aytishicha, Grin Armstedning yana ikkita farzandini, 9 va 12 yoshi, o‘ldirmoqchi bo‘lgan. Grin kichik bolani pichoqlagan, ammo ikkalasi tirik qolgan.
“Biz Gringa o‘lish uchun juda kichik ekanimizni va nima yuz berganini hech kimga aytmasligimizni bildirdik”, — deydi 9 yoshli voqea guvohi.
Montgomerining aytishicha, u hali ham Armstedning ikki o‘g‘li bilan yaqin munosabatlarga ega. Grin Texasdagi to‘rtinchi va AQSHda 2023-yil qatl etilgan sakkizinchi mahbus bo‘ladi.
Izoh (0)