Qozog‘iston ta’lim vaziri G‘ani Beysembayev mamlakatda 2023-yilda korrupsionerlar puliga 70 ta maktab qurilishini ma’lum qildi. Bu haqda Tengrinews xabar berdi.
“2023-yil 70 dan ortiq maktab korrupsionerlar puliga quriladi. Buning uchun hujjatlarimiz bor, ro‘yxat ham tuzilgan. Yaqin kunlarda bu ro‘yxat qo‘llab-quvvatlanadi va maktab qurilishi uchun mablag‘ ajratiladi. Maktab qurilishida deyarli 20 ta viloyat qamrab olinadi”, — dedi vazir.
U loyihada yangi maktablar qurishdan tashqari, mavjudlarini ta’mirlash ham ko‘zda tutilganini aytdi. Qozog‘oston Moliya vazirligining maxsus hisobida poraxo‘r amaldorlardan musodara qilingan 120 milliard tenge (278 mln dollar) to‘plangan.
Avvalroq Qosim-Jo‘mart To‘qayev xalqqa murojaatida korrupsionerlardan olingan pullar maktablar qurishga sarflanishini aytgandi. “Umuman olganda, maktablar qurish hukumat va hokimliklarning asosiy vazifalaridan biri bo‘lishi kerak”, — degan u.
Izoh (0)