Andijon viloyati Qo‘rg‘ontepa tumanida onlayn qimorga pul tikish va yechib olish xizmatlari reklama qilinayotgani aniqlandi.
Viloyat prokuraturasi axborot xizmati xabariga ko‘ra, tuman ichki ishlar bo‘limi tomonidan olib borilgan nazorat tadbirlari davomida fuqarolar V.A. va D.Y. do‘konda onlayn qimorni reklama qilgani aniqlangan.
Shuningdek, ular pul tikish va pul yechish xizmati uchun reklama bannerini qo‘ygani ma’lum bo‘lgan. Hozirda holat yuzasidan ichki ishlar bo‘limi tomonidan tergovga qadar tekshiruv harakatlari olib borilmoqda.
Izoh (0)