Ijtimoiy tarmoqlarda insonning ko‘z o‘ngida qimmatbaho olmosni o‘g‘irlamoqchi bo‘lgan chumolining videosi tarqaldi, deb xabar bermoqda “Korrespondent.net” nashri.
Kadrlarda mitti hasharotning og‘irligi kamida 0,5 karat bo‘lgan olmosni sudrab, uni “qirolichaga sovg‘a sifatida” olib ketishga uringani ko‘rsatilgan. Xususan, olimlarning ta’kidlashicha, chumolilar koloniyani bezash uchun haqiqatan ham turli xil narsalarni to‘playdi.
Bu holatda hasharot qimmatbaho toshga qandaydir modda bilan qoplangani uchun yopishib olgan bo‘lishi mumkin.
“Chumolilar ajoyib ozuqa topuvchilardir, ular qimmatbaho o‘lja bilan uyga qaytish uchun atrof-muhitda uzoq masofalarni bosib o‘ta oladi. To‘g‘ri, bu olmosning qiymati ming dollarga yaqin turadi. Bundan tashqari, chumolilar nafaqat oziq-ovqat qidirishga, balki koloniyada joy bo‘shatish va narsalarni xavfsiz saqlash uchun o‘lik chumolilarning chiqindilari yoki jasadlarini olib chiqib tashlashga qodir”, — deyiladi xabarda.
Videodagi chumoli olmosni o‘g‘irlay olmagan.
Izoh (0)