Toshkent mezbonligida o‘tgan dzyudo bo‘yicha Katta dubulg‘a musobaqasi 5-mart, yakshanba kuni yakunlandi.
So‘nggi kungi bellashuvlarda 20 nafar o‘zbekistonlik dzyudochi tatamiga chiqdi. Davlat Bobonov (-90 kg) va Alisher Yusupov (+100 kg) barcha raqiblarini mag‘lub etib, musobaqaning oltin medaliga ega chiqdi.
Shu tariqa O‘zbekiston delegatsiyasi Katta dubulg‘a musobaqasida 3 ta oltin, 1 ta kumush va 4 ta bronza medaliga ega chiqdi. Katta dubulg‘a turnirida 8 ta medal O‘zbekiston terma jamoasi uchun rekord natija hisoblanadi. Shuningdek, to‘rt nafar o‘zbekistonlik sportchi 5-pog‘onani band etgan bo‘lsa, yana to‘rt nafari 7-o‘rinni qo‘lga kiritdi.
O‘zbekiston delegatsiyasi umumjamoa hisobida Yaponiyadan (4-3-2) keyin ikkinchi o‘rinni qo‘lga kiritdi. Kuchli beshlikdan Avstriya (1-2-0), Gruziya (1-1-1) va Vengriya (1-0-1) joy oldi.
Toshkent Katta dubulg‘a—2023 musobaqasida sovrindor bo‘lgan O‘zbekiston vakillari:
Oltin medal
- -73 kg: Murodjon Yo‘ldoshev
- -90 kg: Davlat Bobonov
- +100 kg: Alisher Yusupov
Kumush medal
- -66 kg: Sardor Nurillayev
Bronza medal
- -60 kg: Doston Ro‘ziyev
- -66 kg: Muhriddin Tilovov
- -81 kg: Muso Sobirov
- -70 kg: Gulnoza Matniyozova
Izoh (0)