O‘zbekiston non narxi eng arzon 5 mamlakat qatoriga kirdi

O‘zbekiston dunyo bo‘ylab non narxi eng arzon mamlakatlardan biri deb topildi. Bu haqda Numbeo ma’lumotlarida qayd etildi. 

2023-yil 24-fevral holatiga ko‘ra, dunyoda nonning eng past narxi Tunisda qayd etilgan: yarim kilogrammli non uchun 0,14 dollar. 

Keyingi o‘rinlarni Jazoir (0,16 dollar) va Liviya (0,34 dollar) egalladi. To‘rtinchi o‘rinda 0,36 dollar Qozog‘iston qayd etilgan bo‘lsa, kuchli beshlikni O‘zbekiston yakunladi — 0,37 dollar. 

MDHning boshqa mamlakatlari orasida yarim kilogrammli non Ozarbayjonda 0,39 dollar, Moldovada 0,43 dollar, Ukrainada 0,58 dollar, Rossiyada 0,61 dollar, Belarusda 0,61 dollar, Armanistonda 0,64 dollar, Armanistonda 0,65 dollar turadi.

Eng yuqori narxlar AQSH (3,27 dollar), Shveytsariya (3,21 dollar) va Islandiyada (2,93 dollar) qayd etilgan.