AQSH prezidenti ma’muriyati mamlakatning yangi milliy kiberxavfsizlik strategiyasini e’lon qildi. Ushbu strategiyaga tahdid soluvchi davlatlar nomi keltirildi. Tegishli hujjat Oq uyning rasmiy saytiga joylashtirildi.
“Loyiha mualliflari ’Amerikaning asosiy qadriyatlarini’ (inson huquqlarini hurmat qilish, demokratik institutlarga ishonch, iqtisodiy farovonlik va boshqalar) hisobga olgan holda kibermakonda ishlashga yondashuvlarni qayta ko‘rib chiqqan”, — deyiladi hujjatda. Boshqa narsalar qatorida, yangi strategiya AQSH rasmiylarining beshta asosiy yo‘nalishdagi harakatlarini nazarda tutadi:
- muhim infratuzilmani himoya qilish,
- xavfsizlik va barqarorlikni ta’minlash uchun bozor kuchlarini safarbar qilish,
- strategik investitsiyalar,
- xalqaro hamkorlik,
- shuningdek, xavf tug‘diradigan subyektlarni yo‘q qilish.
Bunday tahdidlar qatorida Rossiya ham tilga olinadi.
“Xitoy, Rossiya, Eron, Shimoliy Koreya va boshqa avtokratik davlatlar hukumati bizning manfaatlarimizga va umume’tirof etilgan xalqaro me’yorlarga zid bo‘lgan maqsadlarga erishish uchun ilg‘or kiber vositalardan foydalanmoqda. Ularning kibermakondagi qonun ustuvorligi va inson huquqlariga beparvoligi AQSH milliy xavfsizligi va iqtisodiy farovonligiga tahdid soladi”, — deyiladi hujjatda.
Konsepsiya mualliflarining ta’kidlashicha, Rossiya rahbariyati o‘zining kiber imkoniyatlaridan “beqarorlik va butun dunyo bo‘ylab demokratik davlatlarning ichki siyosatiga aralashish” uchun foydalanadi. Rossiya “doimiy kibertahdid” bo‘lib qolayotgani, chunki u “kiber josuslik”, “kiber hujumlar” va “dezinformatsiya”dan foydalanishi keltiriladi. Rossiyaning “kibermakondagi zararli siyosati” ga misol sifatida NotPetya virusi yordamida xakerlik hujumlari, shuningdek, 2022-yilda Ukrainadagi mojaro rivojlanishi bilan parallel ravishda amalga oshirilgan kiberhujumlar sanab o‘tilgan.
Izoh (0)