Rossiya prezidenti Vladimir Putin mansabdor shaxslar nutqida va rasmiy hujjatlarda xorijiy so‘zlardan foydalanishni taqiqlovchi qonunni imzoladi. Istisno faqat rus tilida muqobili bo‘lmagan so‘zlardir. Bu haqda “Kommersant” xabar berdi.
Tegishli hujjat Rossiya huquqiy axborotning rasmiy internet portalida e’lon qilindi. “Rossiya Federatsiyasining davlat tili to‘g‘risida"gi qonunga o‘zgartirishlar kiritilmoqda. Qonun mualliflarining fikricha, hujjat rus tilini xorijiy o‘zlashma so‘zlardan himoya qilishi kerak. Muqobili bo‘lmagan xorijiy so‘zlar ro‘yxati maxsus lug‘atlarda beriladi. Bunday lug‘atlar rus tili bo‘yicha komissiya taklifi asosida hukumat tomonidan tasdiqlanadi.
Rus tilidan foydalanish majburiy bo‘lgan sohalarga quyidagilar kiradi:
- barcha mulk shakllaridagi tashkilotlarning ruslar bilan rasmiy kelishuv va yozishmalari;
- telegramma jo‘natuvchilar va oluvchilarning manzillarini ro‘yxatga olish;
- davlat va munitsipal informatsion tizimlar;
- tovar iste’molchilari uchun mo‘ljallangan ma’lumotlar.
Izoh (0)