Namanganda 70 mingta xonadonni elektr bilan ta’minlash imkoniga ega 3 ta GES qurilmoqda

Namangan viloyatida 65-70 mingta xonadonni elektr energiyasi bilan ta’minlash imkoniga ega 3 ta GES qurilmoqda. Bu haqda Energetika vazirligi axborot xizmati xabar berdi. 

Xabarga ko‘ra, Katta Farg‘ona kanalining Namangan viloyat Uchqo‘rg‘on tumani hududidan o‘tgan qismida umumiy quvvati 12 MVt bo‘lgan 2 ta kichik gidroelektr stansiya qurilib, 2019-yilda ishga tushirilgan. Hozirda katta Andijon kanalida quvvati 23 MVtga teng bo‘lgan 3 ta gidroelektr stansiyasi qurilish ishlari amalga oshirilmoqda.

Qayd etilishicha, bu qo‘shimcha ravishda yiliga 175 million kVt·soat elektr energiyasi ishlab chiqarilishi va 65-70 mingta xonadonni elektr energiyasi bilan ta’minlash imkonini beradi.