Dunyoga mashhur Darren Aronofskiy rejissorligidagi “Kit” kinokartinasi chiqqanidan so‘ng, A24 kompaniyasi Instagram’da filmda bosh rolni ijro etgan aktyor Brendan Freyzerning roli uchun tanib bo‘lmas darajada o‘zgargani aks etgan videoni e’lon qildi.
Freyzer Aronofskiyning kinokartinasida 300 kilogramga yaqin vaznga ega Charli ismli semiz qahramonni gavdalantirgan.
Aktyor Charli rolini o‘ynashi uchun nafaqat vazn orttirgan, balki suratga olish jarayonlarida semiz ko‘rsatuvchi maxsus qoplamalardan foydalangan. Freyzer maxsus qoplamalarni kiyganidan so‘ng issiqlikni his qilgan va shuning uchun doim o‘zi bilan muz olib yurgan. Bundan tashqari, Brendan har kuni 6 soat davomida murakkab grim bilan shug‘ullangan.
Shuningdek, Freyzer bu rolni o‘ynash uchun mutaxassislar bilan maslahatlashdi va bir necha oy davomida raqs murabbiyi bilan birga semiz insonning harakatlarini real tasvirlash uchun o‘z ustida ishladi.
Freyzer filmning suratga olish jarayonlaridan so‘ng, vazn yo‘qotishga muvaffaq bo‘lgan. Hozirda aktyor quyidagicha ko‘rinishga ega:
Izoh (0)