Tuxum, pishloq va pomidorli lavashni tez va oson tayyorlash mumkin. Yegulikni 30 daqiqada pishirsa bo‘ladi. Lavash yanada mazali bo‘lishi uchun pomidorning mag‘zidan foydalangan ma’qul.
Kerakli masalliqlar:
- taxminan 75 sm ga 30 sm o‘lchamdagi yupqa lavash xamiri
- qattiq yoki yarim qattiq pishloq — 100-150 g
- tuxum — 1-2 dona
- pomidor — 1-2 dona
- ko‘katlar, petrushka — ta’bga ko‘ra
- o‘simlik yog‘i
- tuz, murch — ta’bga ko‘ra
Tayyorlanishi:
- Pomidorlarni yuving va mayda qilib, kubik shaklida to‘g‘rab oling. Lavash noni nam bo‘lmasligi uchun faqatgina pomidorning mag‘zidan foydalaning.
- Pishloqni katta tishli qirg‘ichdan o‘tkazing.
- Ko‘katlarni ham yuvib, mayda qilib to‘g‘rab oling.
- Lavash xamirini taxminan 15 sm ga 30 sm o‘lchamdagi to‘rtburchaklar shaklida kesib oling.
- Har bir lavash xamiriga 1-2 qoshiq pomidor, 1-2 qoshiq maydalangan pishloq va bir qoshiq ko‘kat soling. Lavashdagi mahsulotlarning ustiga tuz va murch seping.
- Lavash nonining bo‘laklarini to‘rtburchak yoki uchburchak shaklida o‘rab oling.
- Tuxumni chaqib, mikser bilan ko‘pirtiring. Lavash xamirlarini unga botirib oling.
- O‘simlik yog‘ini tovaga solib, qizdirib oling. Lavash xamirini ehtiyot bo‘lib, taxminan 3-4 daqiqa davomida past olovda qovuring. Keyin ag‘darib, boshqa tomonini qovuring. Lavash tayyor.
Bundan tashqari, tovada tuxum va pishloqli lavashni pishirib olishingiz mumkin. Bu ertalab barvaqt turib, nonushta tayyorlashni istamaydiganlar uchun oddiy va tezkor retsept hisoblanadi.
Yoqimli ishtaha!
Izoh (0)