“O‘zgidromet” bahorning ilk haftasida qanday ob-havo bo‘lishini ma’lum qildi

“O‘zgidromet” hafta davomida kuzatiladigan ob-havo ma’lumotini e’lon qildi.

Unga ko‘ra, 28-fevral va 1—2-mart kunlari O‘zbekiston bo‘yicha yog‘ingarchilik kutilmaydi, faqat Qoraqalpog‘iston Respublikasining ayrim tumanlarida 2-mart kuni baʼzi joylarda biroz yomg‘ir yog‘ishi mumkin. Havo harorati asta-sekin ko‘tariladi va 2-martda kechasi 2-7 daraja iliqni, kunduzi 17-22 daraja iliqni tashkil etadi.

Respublikaning tog‘li hududlarida 28-fevral kunlari qor ko‘chishi xavfi bor.

3-martda respublika hududiga Kavkaz hududlaridan biroz nam havo kirib kelishi kutilmoqda. Respublika hududi bo‘yicha bulutli havo; tog‘oldi va tog‘li hududlarning baʼzi joylarida yomg‘ir yog‘adi; baland tog‘larda yog‘ingarchilik (yomg‘ir, qor) bo‘ladi. Kunduzgi harorat biroz pasayadi va 12-17 daraja iliqni tashkil etadi.

2—3-mart kunlari respublika bo‘yicha baʼzi joylarda shamol 15-20 meter/sekundgacha kuchayishi kutilmoqda.