“O‘zbekgidroenergo” aksiyadorlik jamiyati katta majlislar zalida 21-fevral kuni Xitoyning Zhejiang Jinlun Electromechanic Co., Ltd. kompaniyasi rahbariyati bilan uchrashuv o‘tkazildi.
Tadbir doirasida jamiyat boshqaruvi raisi Abdug‘ani Sanginov va xorijiy kompaniya prezidenti Xe Szyandun tomonidan innovatsion loyihalar asosida lokalizatsiya va mahalliylashtirish dasturi doirasida quvvati 2-15 MVtgacha bo‘lgan gidroagregatlarni O‘zbekistonda ishlab chiqarishni yo‘lga qo‘yish bo‘yicha o‘zaro anglashuv memorandumi imzolandi.
Mazkur memorandum doirasida Xitoy xalq respublikasining gidroenergetika sohasida 60 yildan ortiq yuqori tajribaga ega bo‘lgan Zhejiang Jinlun Electromechanic Co., Ltd. kompaniyasi bilan izchil hamkorlikda mamlakatimizda, Markaziy Osiyoda yagona bo‘lgan quvvati 2-15 MVtgacha bo‘lgan gidroagregatlarni ishlab chiqarish faoliyati yo‘lga qo‘yilmoqda.
Mazkur hujjatga asosan endilikda “O‘zbekgidroenergo” Xitoyning Zhejiang Jinlun Electromechanic Co., Ltd. kompaniyasi bilan hamkorlikda har bir loyiha uchun individual va eksklyuziv bo‘lgan gidroagregatlarni loyihalashtiradi.
Mazkur gidroagregatlar “O‘zbekgidroenergo”ning tizim tashkiloti hisoblangan, Toshkent viloyati Bo‘stonliq tumanida joylashgan “Energoqurilishindustriya” unitar korxonasidagi zavodda ishlab chiqariladi.
Izoh (0)